網紅的藏寶箱近期愛上在家中做醋漬物。我會用蘋果醋嚟做漬物，因為一向都知道蘋果醋有唔少的好處，所以屋企一定會有一樽。而蘋果醋當中的「乙酸」係可以提升免疫力、助穩定血糖、增加飽足感等等。但當然，我哋做漬物，其實就好少飲埋啲醋嘅🙈 但唔緊要，就算當唔理個營養價值，橫掂樽醋買返嚟都真係好大樽，用少少來做醋漬物其實真係幾好。
天氣又熱又焗，有陣時都冇胃口食嘢，做定啲漬，食落又開胃啲、健康啲。
而我，都真係愈來愈享受做呢類型嘅食物，因為當中嘅等待，其實係一個練習嚟嘅。我依家將生活節奏放慢左，真係有另外一種嘅感覺。每日做的事唔算多，但每件事情都認真做，每件事都放深啲去研究。不再衝來衝去，原來生活反而充實咗。